Ֆիրդուսի 33 թաղամասի սեփականատերը դիմում է վարչապետ Ն. Փաշինյանին
Օտարման գոտում գտնվող Հանրապետության նրբանցք, 8 ա հասցեիս տնատիրության մաս հանդիսացող ցանկապատված 59 քմ տարածքիս նկատմամբ ձեռքբերողի հանձնարարականով՝ 2024 թվականի ապրիլի 3-ին շինարարը կատարել է քանդման աշխատանքներ:
Նույն օրը՝ 2024 թվականի ապրիլի 3-ին հաղորդում եմ ներկայացրել գլխավոր դատախազին՝ քրեական վարույթ հարուցելու եւ շինարարին պատասխանատվության ենթարկելու, ինչպես նաեւ 59 քմ տարածքիս ցանկապատը վերականգնելու մասին:
Դատախազությունը հաղորդումս թողել է անհետեւանք, արդյունքում շինարարը ձեռքբերողից ստացել է հանձնարարական, մխրճվել է 59 քմ տարածք՝ տարածքս վերածելով փոսի: 59 քմ տարածքիս հարցով շինարարի կատարած անօրինականությունների մասին գանգատներ եմ ներկայացրել Մարդու իրավունքների պաշտպանին, հաշվի առնելով, որ կիրառական նշանակություն ունի ՀՀ կառավարության 21.01.21/79 որոշումը, հաշվի առնելով նաեւ Վ.Սաֆարյանիս 59 քմ տարածքի նկատմամբ ներպետական եւ կոնվեցիոն իրավունքները: 59 քմ տարածքի նկատմամբ կատարված անօրինականությունները հնարավոր է դարձել որոշ ուժերի կողմից:
Դիմելով ձեզ, խնդրում եմ կառավարության հանձնարարականները գլխավոր դատախազ Ա.Վարդապետյանին եւ Երեւանի քաղաքապետ Տ.Ավինյանին՝ քաղաքապետի որոշմամբ հաստատելու համար Վ.Սաֆարյանիս սեփականության իրավունքը 59 քմ տարածքի նկատմամբ քրեական վարույթով, նշյալ տարածքը ինձ ամբողջությամբ վերադարձնելու կապակցությամբ:
Վ.ՍԱՖԱՐՅԱՆ
«Առավոտ» օրաթերթ,
13.06.2024
