Արցախի նախագահ Սամվել Շահրամանյանն, այսօր անդրադառնալով ՀՀ վարչապետ Նիկոլ Փաշինյանի այն հայտարարությանը, թե արցախցիներին օգտագործում են որպես «ցույցի մատերիալ»՝ 5000 դրամով ցույցերի են բերում, ասաց․ «Չեմ կարող նման աբսուրդ բաները մեկնաբանել, դա իրենցից հարցրեք, դա ապուշություն է»։
Պատասխանելով այն հարցին էլ, թե Ալիևը ցանկություն ունի Հայաստանի իշխանությունների հետ միավորվել, որպեսզի լուծարեն ԵԱՀԿ Մինսկի խումբը, կա՞ լուծարելու անհրաժեշտություն, Հայաստանը կհամաձայնի՞ լուծարման, երբ Արցախի հարցը փակված չէ, արցախահայությունը բազում խնդիրներ ունի, ասաց․ «Դա երևի հարցնեք Հայաստանի կառավարությանը, մեր համար Արցախի էջը փակված չէ, և պետք է գտնել մեխանիզմներ, որոնք թույլ կտան արցախահայության հարցը ստանա արդարացի լուծում»։
Նունե ԱՐԵՎՇԱՏՅԱՆ
