Այս պահին Երևան քաղաքի առաջին ատյանի ընդհանուր իրավասության քրեական դատարանի Ավան նստավայրում՝ Մասիս Մելքոնյանի նախագահությամբ լսվում է Ստեփանակերտի քաղաքապետ Դավիթ Սարգսյանի 20-օրյա կալանքը երկարացնելու նախաքննական մարմնի միջնորդությունը։
Բավական մեծ թվով մարդիկ են հավաքվել դատարանի բակում, նրանց թվում է նաև Արցախի նախագահ Սամվել Շահրամանյանը։
Նա լրագրողների հետ զրույցում հայտարարեց, որ Դավիթ Սարգսյանի նկատմամբ քաղաքական հետապնդում է իրականացվում։
«Ստեփանակերտի քաղաքապետին կալանքի մեջ պահելը համարում եմ քաղաքական հետապնդում՝ իր կողմից վերջին ժամանակահատվածում Բագրատ Սրբազանի շարժմանը միանալու կամ աջակցելու հետ կապված։
Կարդացեք նաև
Ուզում եմ նշել նաև, որ արցախցիները, ինչպես նաև՝ Հայաստանի ցանկացած քաղաքացի, իրավական և բարոյական բոլոր իրավունքներն ունեն մասնակցելու իրենց նախընտրած շարժմանը և արտահայտել իրենց կարծիքը, քանի որ մենք համարում ենք՝ Արցախի քաղաքացիները հանդիսանում են նաև Հայաստանի Հանրապետության քաղաքացիներ, ունեն համապատասխան անձնագրեր՝ չնայած Հայաստանի կառավարությունը համապատասխան որոշմամբ մեզ համարել է հատուկ պաշտպանության ենթակա անձինք»,-ասաց Սամվել Շահրամանյանը։
Նունե ԱՐԵՎՇԱՏՅԱՆ
