«Ոստիկանության գործողությունները ոչ իրավաչափ էին, անօրինական էին, բռնություն էր, հակաժողովրդավարություն էր, եւ Նիկոլ Փաշինյանն ամեն ինչ արեց, որ շատ ժողովուրդ հավաքվի»,-լրագրողների հետ ճեպազրույցում ասաց ՀՀԿ գործադիր մարմնի անդամ Էդուարդ Շարմազանովը։ Հիշեցնենք, որ ոստիկանությունը հատուկ միջոցներ՝ լուսաձայնային նռնակներ է կիրառել քաղաքացիների նկատմամբ։
ՀՀԿ ներկայացուցչի խոսքով՝ ժողովրդավարության բաստիոնից խոսողը երկրորդ անգամ կրակեց սեփական ժողովրդի վրա։ «Նիկոլի հրահանգով քննչական կոմիտեն զանգվածային անկարգության հոդվածով վարույթ հարուցեց։ Ես այնտեղ զանգվածային անկարգության որեւէ նշույլ չեմ տեսել։ Հանգիստ կանգնած էինք, հատուկ միջոցներ կիրառելս ո՞րն է»,-ասաց Էդուարդ Շարմազանովը։
Շարմազանովի կարծիքով՝ այս իշխանության մեջ հավասարակշռված որեւէ մեկը չկա, որ խորհուրդ տա Փաշինյանին հեռանալու։ «Պիտի ասեն՝ պարոն վարչապետ՝ հել գնա։ Սրբազան շարժումը հաշտության շարժում է, պետության եւ քո լավագույն շանսն է՝ հաշտությամբ ամեն ինչ ավարտելու։ Կաթսան եռում է, կրակեցին՝ մարդիկ շատացան։ Եթե ինքը ուզում է ուժեղ ցնցումներ, ինձ պետք է հաշտ ու համերաշխ Հայաստան»,-ասաց ՀՀԿ ԳՄ անդամն ավելացնելով, որ « միայն Նիկոլին ու մեր երկրի թշնամիներին են պետք ցնցումներ Հայաստանում»։
Մանրամասները՝ տեսանյութում։
Կարդացեք նաև
Հռիփսիմե ՋԵԲԵՋՅԱՆ
