«Մեր տեղեկություններով վախկոտը կառավարության շենքում էր, բայց ինչ-որ տեղ է գնացել»,- կառավարության շենքի մոտ հայտարարեց «Տավուշը հանուն հայրենիքի» շարժման առաջնորդ Բագրատ սրբազանը: Բաղրամյան պողոտայում, ոստիկանության կողմից ցուցարարների նկատմամբ հատուկ միջոցների կիրառումից հետո, տեղեկություն ստացվեց, թե Նիկոլ Փաշինյանն ԱԺ շենքից դուրս է եկել եւ գտնվում է կառավարության շենքում: Ցուցարարները երթով շարժվեցին դեպի կառավարության շենք:
Մինչեւ կառավարության շենքի մոտ հասնելը, ոստիկանների եւ երթի մասնակիցների միջեւ քաշքշոց տեղի ունեցավ:
Կարդացեք նաև
Իսկ կառավարության շենքը մեծաթիվ ոստիկանական ուժեր էին շրջափակել:
Մանրամասները՝ տեսանյութում
«Տղա ես՝ Իլհամ Ալիևին կես բառ ասա»,- Նիկոլ Փաշինյանին դիմեց Բագրատ Սրբազանը՝ հիշեցնելով սեփական ժողովրդի դեմ բիրտ ուժի եւ հատուկ միջոցների կիրառումը:
«Նվաստացած, ստորացված մարդիկ ոտքի են կանգնել, այլևս անհանդուրժելի է այս վիճակը, այն չի կարող շարունակվել, պետք է գնաս ու գնալու ես, մեր հորդորն է որ խաղաղ գնաս»,- ասաց Բագրատ սրբազանը:
Մանրամասները՝ տեսանյութում
Կառավարության շենքի մոտ գտնվող բարձրաստիճան ոստիկանները, լրագրողների հետ զրույցում տեղեկացրեցին, որ հատուկ միջոցների կիրառման արդյունքում 17 ոստիկան է վնասվածք ստացել:
Մանրամասները՝ տեսանյութում
Ցուցարարները վերադարձան Բաղրամյան պողոտա: Վաղն առավոտից նրանք կլինեն կառավարության շենքի մոտ՝ ողջունելու կառավարության նիստի մասնակիցներին:
Նելլի ԳՐԻԳՈՐՅԱՆ
