«Վաղը ծանրակշիռ օր է մեզ համար: Այն մարդիկ, որոնց դուք վճարում եք, մերժել են ժողովրդի այն հատվածի պահանջը եւ դա ժողովրդի մեծ մասն է կազմում: Մենք շատ հաստատուն կերպով, պիտի այս մարդկանց գործազուրկ դարձնենք»,- Բաղրամյան պողոտայում, ամփոփելով օրը, հայտարարեց «Տավուշը հանուն հայրենիքի» շարժման առաջնորդ Բագրատ սրբազանը՝ կոչ անելով վաղը՝ 15. 00-ից լինել Բաղրամյան պողոտայում:
Նա կոչ արեց վաղը 15. 00-ից լինել Բաղրամյան պողոտայում:
Բագրատ սրբազանը գործարարներին դիմեց. «Այնպիսի կառավարություն պիտի լինի, որն այլեւս չպիտի «փայ մտնի» բիզնեսում»:
Իր բնութագրմամբ՝ փոփոխությունը ոչ միայն քաղաքական իմաստով պիտի լինի, այլ արժեքների իմաստով:
Կարդացեք նաև
Դիմելով իշխանության ներկայացուցիչներին էլ՝ ասաց. «Եթե թանկ են ձեզ համար այն բոլոր արժեքները, որոնց մասին ինձ մոտ եք անձնապես խոսել, ուրեմն, դուք վաղն այստեղ կլինեք»:
Մանրամասները՝ տեսանյութում
Հիշեցնենք, նախորդ օրը՝ գիշերվանից «Տավուշը հանուն հայրենիքի» շարժման անդամները շրջափակել են ԱԺ շենքը: Իսկ երեկ, ԱԺ խորհուրդը երեկ մերժեց՝ կառավարության հրաժարականի պահանջով արտահերթ նիստ հրավիրելու ԱԺ ընդդիմադիր խմբակցությունների դիմումը:
Բագրատ Սրբազանն ամսի 9-ին, 96 ժամ էր տվել Նիկոլ Փաշինյանին՝ հրաժարականի դիմում ներկայացնելու համար. վաղը, 15.00-ից ընդդիմադիրները կհավաքվեն Բաղրամյան պողոտայում, քանի որ իշխանությանը տրված ժամանակը լրանում է:
Նելլի ԳՐԻԳՈՐՅԱՆ
