«Ազատությունից զրկված անձանց իրավունքների պաշտպանության ամրապնդումը» և «Աջակցություն Հայաստանում Պրոբացիայի ծառայության հզորացմամբ» ծրագրերի շրջանակում՝ հունիսի 11-ին տեղի է ունեցել համակարգող խորհրդի հերթական հանդիպումը, որին մասնակցում էր ՆԳ նախարարի տեղակալ Արփինե Սարգսյանը։
Արփինե Սարգսյանը Կառավարության անունից շնորհակալություն է հայտնել Եվրոպայի խորհրդին և ներպետական մարմիններին` ներդրած ջանքերի, համագործակցության ակտիվացման և համատեղ ուժերով օրակարգ ձևավորվելու համար:
Նա կարևորել է ձերբակալվածների պահման վայրերում վատ վերաբերմունքի առերևույթ դրսևորումների՝ Ստամբուլյան արձանագրությանը համապատասխան փաստաթղթավորումը:
Փոխնախարարը կարևորել է նաև շտապօգնության կարողությունների զարգացման, ձերբակալվածներին և կալանավորվածներին պահելու մասին օրենքի ամբողջական վերանայումը:
Կարդացեք նաև
Երևանում Եվրոպայի խորհրդի գրասենյակի ղեկավար Մաքսիմ Լոնգանգեն վերահաստատել է Եվրոպայի խորհրդի պատրաստակամությունը՝ աջակցելու քրեական արդարադատության ոլորտում ընթացող բարեփոխումներին։
«2023-2026 թթ. Գործողությունների ծրագրի շրջանակում իրականացվող բարեփոխումների նպատակը քրեակատարողական և պրոբացիոն ծառայությունները միջազգային ստանդարտներին համապատասխանեցնելն է։ Մենք ջանքեր ենք ներդնում այս ուղղությամբ անհրաժեշտ նախաձեռնությունները վերջնական տեսքի բերելու համար։ Միաժամանակ, բարձր ենք գնահատում վատ վերաբերմունքի և խոշտանգումների վերաբերյալ տեղեկությունների փաստաթղթավորմանն ուղղված ջանքերը»,-իր խոսքում նշել է Մաքսիմ Լոնգանգեն:
ԵԽ Ոստիկանության և ազատությունից զրկման հարցերով համագործակցության ստորաբաժանման ղեկավար Տանյա Ռակուսիչ-Հաջիչն անդրադարձել է շահագրգիռ պետական կառույցների հետ արդյունավետ համագործակցությանը, ծրագրերի շրջանակում համատեղ նվաճումներին և առաջիկա քայլերին։
Հանդիպման ընթացքում ներկայացվել են «Ազատությունից զրկված անձանց իրավունքների պաշտպանության ամրապնդումը» և «Աջակցություն Հայաստանում Պրոբացիայի ծառայության հզորացմամբ» ծրագրերի՝ հունվար-մայիս ամիսների ընթացքում կատարված աշխատանքները։
Ամփոփվել են արդյունքները, անդրադարձ է կատարվել ծրագրերի արդյունավետ իրականացումն ապահովող։ Հաստատվել են Ծրագրերի հաջորդող 7-ամսյա աշխատանքային պլանները։
Համակարգող խորհրդի հանդիպմանը մասնակցում էին նաև Առողջապահության նախարարի տեղակալ Լևոն Հակոբյանը և շահագրգիռ պետական մարմինների ներկայացուցիչներ։
Հայաստանի Հանրապետության ներքին գործերի նախարարություն
