Այսօր ԱԺ հայտարարությունների ժամին մթնոլորտը լարվեց, երբ «Հայաստան» խմբակցության պատգամավոր Լիլիթ Գալստյանը ՔՊ-ականներին հիշեցրեց, թե ինչպես եկան իշխանության ու ինչ բերեցին. «Վերջերս Սոնա Ղազարյանը եւ մյուսները ակնարկում էին Մարտի 1-ին իմ լռությունը: Սոնա՛, ասեմ, որ իմ քաղաքական կենսագրությունը եւ ժառանգությունը ավելի մեծ է, քան քո կենսաբանական տարիքը, կարելի էր մի քիչ զուսպ եւ դաստիարակված լինել»:
ԱԺ նախագահ Ալեն Սիմոնյանը հորդորեց. «Մի հատ անջատե՛ք բարձրախոսը: Իմ գործընկերոջը դու-ով դիմելով հայտարարելով, որ անդաստիարակ է, շարունակում եք ձեր տեքստը: Ձեր պլինտուսը հատակից վերցրեք ու գնացեք, դուք այլեւս չեք կարող ելույթ ունենալ»:
Հռիփսիմե ՋԵԲԵՋՅԱՆ
