Այսօր ԱԺ հայտարարությունների ժամին «Հայաստան» խմբակցության պատգամավոր Գառնիկ Դանիելյանը էմոցիոնալ ելույթ ունեցավ. «Որեւէ ակնկալիք անձամբ ես չունեմ: Էդ որ ասում եք՝ լափամանից օգտվող, ծաղրածու, բան, դուք ձեզ տեսե՞լ եք, դուք ե՛ւ լափամանից օգտվող եք, ե՛ւ ծաղրածու եք, ե՛ւ էն ամենը, ինչ այս ամբիոնից ասել եք»:
ՔՊ-ականները տեղից արձագանքեցին, Ալեն Սիմոնյանը անձնական խնդրանքով դիմեց լինել ավելի զուսպ:
Գառնիկ Դանիելյանը հայտարարեց, որ մինչ օրս ինչ ասել է, սրտից է եղել. «Իմ համար մանդատն էլ, էս աթոռն էլ բացարձակ արժեք չունի, հարյուր անգամ իմ ընկերներին ասել եմ՝ էս մանդատը առհասարակ ինձ պետք չի, չեմ ուզում մի վայրկյան անգամ մնալ էս ԱԺ-ում, որովհետեւ մանդատն ինձ համար առոչինչ է»:
Նա խոսեց իր անկեղծ պայքարի մասին. «Այնինչ մարդիկ, տարբեր կուսակցություններում ծվարած, մարմնավաճառ էին ձեզ ասում, մարդիկ, որ էդ ժամանակի ԲՀԿ-ում ծվարած էին, հիմա ուրիշ տեղ են ծվարած: Երբեք որեւէ մեկի թիկունքում չեմ հայտնվել: Ինձ ճանաչողները գիտեն, իջեւանցի տղա եմ»:
Կարդացեք նաև
Հռիփսիմե ՋԵԲԵՋՅԱՆ
