Այսօր ԱԺ հայտարարությունների ժամին ասաց ՔՊ-ականների ելույթները հիմնականում նվիրված էին «Տավուշը հանուն հայրենիքի» շարժմանը:
ՔՊ խմբակցության քարտուղար Արթուր Հովհաննիսյանն ասաց, թե՝ «Բագրատը Ռոբերտ Քոչարյանի աշխատողն ա, «Սրբազան» շարժումը ղեկավարվում է «Հայր մերը» չիմացող Ռոբերտ Քոչարյանի կողմից: Ասում են՝ թե բա վարչապետը մարդ է ուղարկել, որ կանխեն շարժումը, վայ, վայ, վայ, ուզո՞ւմ եք կազմակերպենք, գնացեք, Կիրանցից նորից եկեք, մի տասը անգամ: Ինչքան ուզում եք սեւ հագնվեք, մեծ խաչեր վզներից կախեք, ուզում եք գմբեթ սարքեք գլխներիդ, դրանից ոչ մի բան ի փոխվելու»:
Նա անդրադարձավ Բագրատ սրբազանին՝ ասելով, որ ուզում է հավաքվածներին ներկայացնել, թե կոմպրոմատներ ունի, իշխանություններից որոշ նկարներ, նա հորդորեց մինչեւ 19:00-ն հրապարակել. «Եթե չհրապարակվեցին, Բագրատ, դու ստախոս ես»:
ՔՊ պատգամավոր Վահագն Ալեքսանյանն էլ հորդորեց հրապարակել շարժման ծախսերը՝ ինչքան խորոված են արել եւ այլն. «Դրսից ասում են՝ այ ծաղրածուներ, ձեզ հարյուրավոր միլիոններ ենք ուղարկել, խի՞ եք լափել էդ փողերը, ասում են՝ սուտ ա»:
Կարդացեք նաև
Նրա ելույթի ժամանակ սկսեց վեճ ԱԺ-ում,, երբ հարցրեց. «Խի՞ եք կերել Իգոր Կորոտչենկոյի միլիոնները, մարդիկ փող են ուղարկել, որ դուք ստեղ հեղափոխություն անեք, հո դուք անկուշտ չեք»:
Ընդդիմադիրները տեղից արձագանքեցին, Ալեքսանյանը սկսեց բղավել. «Ուրեմն մի հատ խելոք նստեցիր տեղդ ու էդ տոնով չխոսա՛ս իմ հետ, չխառնե՛ս հանկարծ, իյա՛, ուրեմն խելոք կնստես տեղդ ու կլսե՛ս, էլ մյուս անգամ ձենդ չբարձրացնե՛ս ստեղ»:
ԱԺ նախագահ Ալեն Սիմոնյանը հորդորեց զսպել էմոցիաները ու հարգալից լինել:
Հռիփսիմե ՋԵԲԵՋՅԱՆ
