Գլենդեյլի քաղաքապետ Էլեն Ասատրյանը հունիսի 11-20-ը կայցելի Հայաստան: Այցելության նպատակներից մեկն է՝ մասնակցելու ԱՄՆ Պետդեպարտամենտի կողմից կազմակերպված ԱՄՆ-Հայաստան Տեղական ժողովրդավարության ֆորումին՝ Միացյալ Նահանգների այլ քաղաքների քաղաքապետերի և գործադիրների հետ։
Ուղևորության նպատակն է զարգացնել երկկողմ հարաբերությունները, ուսումնասիրել տնտեսական հնարավորությունները և խթանել մշակութային և կրթական փոխանակումները Հայաստանի և Գլենդելյի միջև և ոչ միայն:
Քաղաքապետի երթուղին ներառում է այցելություններ Երևան, Գյումրի և, եթե ժամանակը ների, ապա նաեւ՝ Կապան։ Ուղևորությունը կներառի նաև հանդիպումներ Հայաստանի տեղական ինքնակառավարման մարմինների պաշտոնյաների, լրատվամիջոցների, գործարար առաջնորդների և համայնքային կազմակերպությունների հետ:
Անդրադառնալով ուղևորությանը` քաղաքապետ Ասատրյանը նշել է. «Ես ոգևորված եմ վերադառնալու իմ ծննդավայր Հայաստան՝ որպես Գլենդելի քաղաքապետ, որտեղ բնակվում է Հայաստանից դուրս հայերի ամենամեծ համայնքը, որը կազմում է մեր քաղաքի բնակչության մոտավորապես 40%-ը: Որպես Լոս Անջելեսի տարածաշրջանի՝ մեծությամբ չորրորդ քաղաք, եւ Կալիֆորնիայում ներգաղթյալների/ օտարերկրյա արմատներ ունեցողների ամենամեծ բնակչությունն ունեցող քաղաքը լինելով՝ Գլենդեյլը եւ Հայաստանը փոխկապակցված են ամենօրյա ռեժիմով: Այս ուղևորությունն ավելի կխորացնի մեր կապերը, եւ կօգնի ստեղծել համագործակցություններ, որոնք օգուտ կբերեն թե՛ Գլենդելին, թե՛ Հայաստանին»:
Կարդացեք նաև
Ասատրյանը վերջին անգամ Հայաստան է այցելել 2022 թվականի դեկտեմբերից մինչև 2023 թվականի հունվարը՝ միանալու Հայաստանի օպերային թատրոնին, քանի որ նա օգնում էր Հայաստանի օպերային թատրոնի և Լոս Անջելեսի օպերայի միջև համագործակցության հաստատմանը: Այդ այցի ընթացքում Ասատրյանն այցելեց նաև Գլենդելի քույր քաղաքներ Գյումրի և Կապան: Ցավոք, Ասատրյանը չկարողացավ այցելել Գլենդելի մյուս քույր քաղաքը՝ Արցախի Մարտունին՝ շրջափակման պատճառով։
