«Կպրծնենք, կպրծնենք, քիչ մնաց»,- Բաղրամյան պողոտայում, քաղաքական թիմերի ներկայացուցիչների հետ հանդիպում-քննարկման ավարտից հետո, հայտարարեց Բագրատ սրբազանը:
Նա հայտարարեց, որ առաջիկա օրերին՝ ամսի 11-12-ին, վրանային ավանը մնալու է Բաղրամյան պողոտայում, ցուցարարները գիշերելու են փողոցում. «96 ժամ էի չէ՞, ասել, ուրեմն այդ 96 ժամի մեջ էլ կսահմանափակվենք՝ հուսալով, որ կլինի այն, ինչ ուզում ենք: Ամսի 12-ին, ժամը 15.00-ին, այստեղ ենք լինելու»:
Վաղն առավոտից տարբեր ակցիաներ են լինելու մայրաքաղաքում:
«Ամսի 12-ը շատ կարեւոր է մեզ համար՝ այստեղ գտնվելու իմաստով, թե ի՞նչ կանենք՝ այլ հարց է»,- ասաց սրբազանը՝ բոլորին այդ օրը հորդորելով փողոց դուրս գալ, քանի որ, իր համոզմամբ, եթե երեկվա չափ մարդ եղավ փողոցում, շարժման պահանջները կատարվելու են:
Կարդացեք նաև
Հիշեցնենք, երեկ գիշերվանից «Տավուշը հանուն հայրենիքի» շարժման անդամները շրջափակել են ԱԺ շենքը՝ կառավարությանն անվստահություն հայտնելու օրակարգով ԱԺ արտահերթ նիստ հրավիրելու պահանջով: Իսկ այսօր, ԱԺ խորհուրդը մերժեց առաջարկը. խորհրդի ՔՊ-ական 12 անդամները դեմ քվեարկեցին:
Մանրամասները՝ տեսանյութում
Նելլի ԳՐԻԳՈՐՅԱՆ
