«Տավուշը հանուն հայրենիքի» շարժման առաջնորդ Բագրատ սրբազանի համար անակնկալ չէր ԱԺ խորհրդի կողմից կառավարությանն անվստահություն հայտնելու օրակարգով ընդդիմադիր խմբակցությունների պահանջով ԱԺ արտահերթ նիստ հրավիրելու առաջարկի մերժումը. այս մասին քիչ առաջ սրբազանը հայտարարեց ԱԺ շենքի մոտ:
Հիշեցնենք, երեկ գիշերվանից «Տավուշը հանուն հայրենիքի» շարժման անդամները շրջափակել են ԱԺ շենքը՝ կառավարությանն անվստահություն հայտնելու օրակարգով ԱԺ արտահերթ նիստ հրավիրելու պահանջով:
ՔՊ-ն ներկայացնող ԱԺ խորհրդի 12 անդամները դեմ են քվեարկել ընդդիմադիր խմբակցությունների առաջարկին:
«Իրենց ամսի 11-12-ին կամ պետք է գործի չթողնենք կամ իրավունք չտանք որեւէ ձեւով շարժվելու»,- հայտարարեց սրբազանը՝ հավելելով, որ քաղաքական ուժերի ներկայացուցիչների հետ կխորհրդակցեն եւ քիչ անց կներկայացնեն հետագա անելիքները:
Կարդացեք նաև
Այդ ընթացքում քաղաքացիներից մեկը նկատեց, որ ԱԺ շենքից ստորգետնյա անցում կա:
«Ստորգետնյա անցում ունե՞ն, լավ, ստորգետնյա թող գնան-գան»,- հեգնեց սրբազանը:
Մանրամասները՝ տեսանյութում
Նելլի ԳՐԻԳՈՐՅԱՆ
