«Իշխանությունն ուզուրպացված է գործող իշխանության կողմից, այս մարդիկ չեն կարող ընտրություն կազմակերպել, կկազմակերպեն՝ հօգուտ իրենց: ԿԸՀ նախագահը՝ կոճակը սեղմում է ինքն իր օգտին քվեարկում, գնում է ԿԸՀ նախագահ դառնում: ՄԻՊ-ը, տեսել ե՞ք, գնացել ենք՝ չկա. դու ՄԻՊ ես, թե՞ կարմիր բերետավորների իրավունքների պաշտպան ես»,- խորհրդարանի շենքի մոտ լրագրողների հետ զրույցում ասաց «Տավուշը հանուն հայրենիքի» շարժման համակարգողներից, «Հայաստան» խմբակցության պատգամավոր Գառնիկ Դանիելյանը՝ անդրադառնալով ԱԺ խորհրդի կայացրած որոշմանը, որով մերժվում է կառավարությանն անվստահություն հայտնելու օրակարգով արտահերթ նիստ հրավիրելու պահանջը:
ՔՊ-ն ներկայացնող ԱԺ խորհրդի 12 անդամները դեմ են քվեարկել:
Գառնիկ Դանիելյանի դիտարկմամբ՝ ժողովրդավարության բաստեոն Հայաստանում մարդիկ կարծիք արտահայտելու համար հայտնվում են ճաղերի ետեւում, ուստի, այս իշխանությունն ի վիճակի չէ արդար ընտրական գործընթաց կազմակերպել:
Հիշեցնենք, երեկ գիշերվանից «Տավուշը հանուն հայրենիքի» շարժման անդամները շրջափակել են ԱԺ շենքը:
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
