«Ազատություն» – Եվրախորհրդարանի ընտրությունների արդյունքների ամփոփմանն ընդառաջ Ֆրանսիայի նախագահ Էմանուել Մակրոնը հայտարարել է, որ լուծարում է խորհրդարանը և արտահերթ ընտրություններ է նախաձեռնում։ Պատճառը, ըստ նախնական արդյունքների, Մակրոնի «Վերածնունդ» լիբերալ կուսակցության ծանր պարտությունն է ծայրահեղ աջական «Ազգային հանրահավաքին»։
Ծայրահեղ աջերի առաջնորդ Մարին Լը Պենը ողջունել է խորհրդարանը լուծարելու և արտահերթ ընտրություններ անցկացնելու նախագահ Մակրոնի որոշումը։
«Մենք պատրաստ ենք իշխանություն ստանձնել, եթե ֆրանսիացիները վստահեն մեզ առաջիկա համապետական ընտրություններում», – ասել է նա՝ խոստանալով հաղթանակի դեպքում «կրկին կենսունակ դարձնել Ֆրանսիան»։
«Այս պատմական քվեարկությունը ցույց է տալիս, որ երբ մարդիկ քվեարկում են, մարդիկ հաղթում են», – ասել է Լը Պենը իր աջակիցներին։
Կարդացեք նաև
Մակրոնն առաջարկել է արտահերթ խորհրդարանական ընտրություններն անցկացնել երկու փուլով՝ հունիսի 30-ին ու հուլիսի 7-ին։
