«Ասեք՝ խնդրում եմ՝ քրեական վարույթների մասին խոսելիս, քրեական գործերի մասին խոսելիս հիշեք, թե գյուղատնտեսության նախկին փոխնախարար Աշոտ Հարությունյանին ինչ ձևով ԱԳՆ-ի դիմացից խլեցին, մտցրին ներս, Աշոտ Սիմոնյանին 30 խուլիգաններով ովքեր ջարդեցին։ Ոստիկանության մասին օրենքի ո՞ր հոդվածով է դա պայմանավորված։ Դուք եկել, օրենքի մասին եք խոսո՞ւմ»,- դիմելով ոստիկաններին, որոնք թույլ չեն տալիս, որ քաղաքացիները երթը շարունակեն Դեմիրճյան փողոցից դեպի Բաղրամյան պողոտա, հայտարարեց «Տավուշը հանուն Հայրենիքի» շարժման առաջնորդ Բագրատ Սրբազանը։
Անդրադառնալով ոստիկանության վարքագծին՝ ասաց․ «Կեցվածքների ու ժարգոնի մասին չեմ ասում, որոնք գալիս է, չեմ ուզում ասել, ոստիկանության ղեկավարներից, որոնց համար այսօր արժեքներ գոյություն չունեն։ Եթե մտածում եք՝ վիրավորում եմ, այո, վիրավորում եմ»։
Կարդացեք նաև
Ոստիկանապետ Արամ Հովհաննիսյանը, արձագանքելով, ասաց․ «Բանի տեղ չեմ դնում»։ Բագրատ Սրբազանն էլ պատասխանեց․ «Ավելորդ մի ճղճղա, ղեկավարիցդ լավ բան չես սովորել»։ Բագրատ Սրբազանը վստահեցրեց՝ լրիվ ապօրինի, ոչ մի սահման ու գիծ չկա, որով երթն արգելափակվել է․ «Սա էն բռնապետական ռեժիմի մասին է, որը գործում է միայն դագանակով և փողով՝ էն էլ ձեր փողերով, ժողովուրդ։ Էս մարդիկ ստանում են ձեր վճարած գումարները, որ գան, ճանապարհ կտրեն, տեղն եկած տեղը ծեծեն, ջարդեն»։
Տաթև ՀԱՐՈՒԹՅՈՒՆՅԱՆ
Լավ ասեց Սրբազանը, իսկը որ ճղճղացող նիկոլի ճղճղացող ոստիկանապետ, որը դեռ իրեն պահում է Արտաշատի նախկին “մլիցա Արամի” լկտի վարքագծով։ Ոչինչ, իշխանափոխությունից հետո էդ “աքլորի” խոսելու ոճն ու ինտոնացիան կտրուկ կփոխվի։