Պատասխանելով ջրհեղեղի հետեւանքով առաջացած աղետի գոտու մասին հարցին՝ Բագրատ սրբազանը տեղեկացրեց, որ շարժումը նախաձեռնել է տարբեր ծրագրեր, որոնք իրականացրել են նաեւ բարեգործական ընկերությունների միջոցով, որոնց մասին, սակայն, չեն ցանկացել խոսել։
Իսկ կառավարության գործողությունների առումով սրբազանն ասաց. «Նախ, պետք է հասկանանք, թե ինչու է տեղի ունեցել այս աղետը։ Այս իմաստով մենք զանազան ենթադրություններ կարող ենք անել։
Առաջինը՝ կապված հենց կառավարության ոչ կոմպետենտ լինելու հետ, որ չկարողացան կանխարգելիչ քայլեր կատարել, որպեսզի այդ աստիճանի աղետ տեղի չունենա։ Սա շատ կարեւոր հարց է, իսկ մնացածը, թե ինչ գործողություններ են իրենք իրականացնում, դրանք այդքան էլ տեսանելի չեն։ Բայց խնդիրն այստեղ ոչ թե հետեւանքները վերացնելն է, այլ կանխարգելող լինելը։ Փառք Աստծո, գիտությունն այսօր չափազանց զարգացած է, եւ դրանք չափելի բաներ են։ Մենք տեսել ենք Լոռու մարզպետարանի հայտարարությունը, թե նախատեսվում էր ջրամբարից բացթողումներ եւ հնարավոր են վարարումներ։ Բայց ինչպես ամեն ինչում, ինչպես բոլոր հանգամանքներում, այս կառավարությունը պարզապես իմիջիայլոց է վերաբերվում ամեն ինչին։ Դա պարզ արտահայտումն է՝ տեսնելու, որ հնարավոր կանխարգելման դեպքում կարող էր աղետը այդ ծավալի չլինել։
Սա արմատական հարց է կառավարման ընկալման, կառավարչության, կարողականության իմաստով, որ խնդիրները պետք է կանխատեսել, կանխել եւ ոչ թե գնալ հետեւանքները լուծելու հետեւից»,-ասաց Բագրատ Արքեպիսկոպոս Գալստանյանը։
Կարդացեք նաև
Աշոտ ՀԱԿՈԲՅԱՆ
