Վանաձորում «Տավուշը հանուն Հայրենիքի» շարժման հրավիրած հանրահավաքում շարժման առաջնորդ Բագրատ սրբազանը հայտարարեց, որ Ալիեւն ամեն օր ցույց է տալիս, որ ինքն է Հայաստանի իշխանություններին թելադրողը։
«Իսկ սրանք էլ անատամ, ոչ մի բան չասող հայտարարություններով փորձում են արձագանքել։ Բայց արձագանք էլ չկա խորքում։ Ի՞նչ է ասել Արարատ Միրզոյանը՝ մենք պատրաստ ենք մեկ ամսից խաղաղության պայմանագիր կնքելու։ Պատրաստ են մեկ ամսից խաղաղության պայմանագիր կնքելու, եւ դեռ մեր ռազմագերիները, Արցախի ռազմաքաղաքական ղեկավարությունը, մեր գերեվարված տղաներն ուղղակի գտնվում են Բաքվի բանտում։ Այս մարդիկ պատրաստ են մեկ ամսից խաղաղության պայմանագիր կնքել։ Ի՞նչ է այդ խաղաղության պայմանագրի բովանդակությունը, որեւէ մեկդ տեղյա՞կ եք, գիտե՞ք։ Ուրեմն, սրանք ոչ թե խաղաղության պայմանագիր են ուզում կնքել, այլ վերջին տապանաքարը դնեն մեր գլխին, Հայաստանի Հանրապետության վրա։ Եվ սա չիմանալը մեղք է մեզ համար։ Մենք ուժերի գերլարումով ամեն ինչ պիտի ներդնենք, որպեսզի այս մարդիկ ժամ առաջ հեռանան։ Եվ այդ օրերը շատ մոտ են, մոտեցրել եք դուք այդ օրերը, ժողովուրդ։ Որքան այդ օրերը մոտենում են, իրենց հռետորաբանությունն ու վարքն էլ է փոխվում»,- ասաց նա։
Բագրատ սրբազանը նշեց, որ հասել են այն հանգրվանին, որ իրավունք չունեն ձեռքից բաց թողնելու ազատագրման այս վերջին արարը։
Կարդացեք նաև
Նա նշեց, որ հայրենաhձնման գործընթացը Տավուշով չի վերջանալու։
Մանրամասն՝ տեսանյութում
Ռոզա ՀՈՎՀԱՆՆԻՍՅԱՆ
