«Տավուշը հանուն հայրենիքի» շարժման առաջնորդ Բագրատ սրբազանն այսօր սուրբ Աննա եկեղեցու բակում իր ելույթում անդրադարձավ Ադրբեջանի նախագահ Իլհամ Ալիեւի վերջին հայտարարությանը՝ «Խաղաղության համաձայնագիր կնքելն անհնար է, քանի դեռ Հայաստանի գործող Սահմանադրությունը մնում է անփոփոխ»։
Սրբազանի խոսքով՝ իշխանությունը տեւապես խաբելով հասցրել են այս վիճակին, ու նորից են խաբելու՝ անատամ հայտարարություններ անելով, փորձելով ցույց տալ, որ ինչ որ ձեւ արձագանքում են Ադրբեջանին, որպեսզի շատ ծանր չնստի իրենց վրա։
«Հստակ է, որ այս գործընթացները ադրբեջանական կողմից տեղի են ունենում ոչ թե բանակցություններով, այլ թելադրանքներով, հրամայականներով, հարկադրանքներով։ Բավական է դու քո աթոռը պահելու համար անընդհատ հանձնես, զիջես, ու գտնվես թշնամու հրամանի ներքո։ Հետեւապես, է՛լ ավելի հրատապ է դառնում ժամ առաջ այս մարդկանց հեռացնելը, ուրիշ ճանապարհ չունենք։ Մենք դա անելու ենք, շատ պարզ ու ուղիղ, շատ հստակ ու վստահ», -ասաց Բագրատ սրբազանը։
Նա ասաց, որ պայքարը երկու ուղղությամբ է՝ դժբախտաբար՝ ներքին եւ բնականից ՝ արտաքին․ «Մեր ուղերձն է Ալիեւին եւ նրա կողքի բոլոր շահառուներին, որոնք մեզ հետ խնդիր ունեն՝ ձեր ծառաները շուտով հեռանալու են, դուք մտածեք, թե ինչ եք անելու։ Ես ցավում եմ, որ իմ պետության իշխանավորների հետ այդպես են խոսում։
Կարդացեք նաև
Հեյդարի որդի Իլհամ, որեւէ կերպ չեք կարող պարտադրել այն, ինչ ամբողջությամբ հակառակ է մեր կամքին, մեր կենսագրությանն ու գոյությանը, հայությունն իր խոսքը ամբողջական իմաստով չի ասել։ Այն, ինչ քեզ ու քո գործընկերներին ու ծառաներին թվում է, թե դուք Հայաստանում իրականացրել եք, չարաչար սխալվում եք»։
Մանրամասն՝ տեսանյութում
Սրբազանը հայտարարեց, որ շարժումը վաղը ժամը 12:30-ին Կարմիր խաչի գրասենյակի մոտից շարժվելու է դեպի Վանաձոր։
Նելլի ԲԱԲԱՅԱՆ
