Երեւանի քաղաքացիական դատարանի «Արաբկիր» նստավայրում այսօր կայացավ ՔՊ-ական նախկին մարզպետ, այժմ պատգամավոր «Տրդատ Սարգսյանն ընդդեմ իրավապաշտպան Ավետիք Իշխանյանի» գործով նիստը:
Այսօր բաշխվեց ապացուցման բեռը։
Հայցվորն այսօր դատարանում իբրեւ ապացույց ներկայացրեց նաեւ Ավետիք իշխանյանի՝ 2024 թվականի փետրվարի 2-ին Aravot.am-ին տված հարցազրույցը, որում Ավետիք Իշխանյանը պարզաբանում է, թե իր ո՞ր գրառումից եւ ինչո՞ւ է վիրավորվել ՔՊ-ական Տրդատ Սարգսյանը։ Դատարանում վերջինիս ներկայացուցչի մատուցմամբ, Ավետիք Իշխանյանի այդ հարցազրույցը լրացուցիչ ապացույց է իր կարծիքը՝ Տրդատ Սարգսյանի կողմից ցոփ ու շվայտ կյանք վարելու մասին եւ փոխգնդապետ Արա Մխիթարյանի ծեծի, ապա մահվան մեջ ՔՊ-ականների մեղավոր լինելու մասին, պնդելու։
Հիշեցնենք, ՔՊ-ական նախկին մարզպետի ընկալմամբ, իրավապաշտպանը զրպարտել է իրեն՝ ֆեյսբուքյան իր գրառմամբ: Հայցը վերաբերվում է անցյալ տարվա հուլիսի 27-ին Ավետիք Իշխանյանի կատարած գրառման հետևյալ հատվածին․ «Այսօր մահացավ 2019 թ․ ՔՊ-ականների կողմից դաժան ծեծի ենթարկված և չորս տարի կոմայի մեջ տառապող փոխգնդապետ Արա Մխիթարյանը։ Արա Մխիթարյանը ՔՊ-ական ռեժիմի առաջին զոհերից էր։ Եվ ոչ մի ընդվզում, բողոք։ Փոխգնդապետի ծեծի ու մահվան պատասխանատու ՔՊ-ական մարզպետն այժմ ԱԺ պատգամավոր է և վայելում է նույնպես ՔՊ-ական ցոփ ու շվայտ կյանքը»։
Կարդացեք նաև
Այս գործով հաջորդ նիստը կկայանա հուլիսի 29-ին։
Նելլի ԳՐԻԳՈՐՅԱՆ
