Հետանկախության շրջանի կարեւոր ձեռքբերումներից է ԵՊՀ-ի Աստվածաբանության ֆակուլտետի հիմնումը, որը կյանքի կոչվեց Մայր Աթոռ սբ. Էջմիածնի և համալսարանի համատեղ ջանքերով: Այն աստվածաբանության ուսումնասիրության գլխավոր կենտրոններից է, որը հնարավորություն է ընձեռում հայ երիտասարդներին ոչ միայն ծանոթանալ մեր հոգևոր ժառանգությանը, ներշնչվել ու արժևորել այն, այլ իրենց հետազոտության արդյունքները ներկայացնել գիտական հանրությանը:
Աստվածաբանության ֆակուլտետը յուրահատուկ կապ է ապահովում ԵՊՀ-ի և Մայր Աթոռ սբ. Էջմիածնի միջև: Գարեգին Բ Հայրապետի օրհնությամբ ԵՊՀ Աստվածաբանության ֆակուլտետի և Գևորգյան Հոգևոր Ճեմարանի համագործակցությունը նոր որակներ է ձեռքբերում շնորհիվ համատեղ ծրագրերի, ուսումնամեթոդական փորձի փոխանակման, ազգային-եկեղեցական տոներին նվիրված միասին կազմակերպված միջոցառումների:
«Շատերի մոտ թյուր կարծիք կա, որ մենք այստեղ հոգեւորականներ ենք պատրաստում, այստեղ չենք պատրաստում եկեղեցականներ, բայց միշտ ասել եմ՝այստեղ պատրաստում ենք աշխարհիկ վարդապետներ»,- ասաց ֆակուլտետի դեկանը՝ Անուշավան եպիսկոպոս Ժամկոչյանը:
Կարդացեք նաև
Կրոնագետ, դասախոս Վարդան Խաչատրյանն էլ մեզ հետ զրույցում նկատեց, որ ֆակուլտետը պրոֆեսիոնալների մի յուրահատուկ «արտադրամաս է». «Այսինքն՝ այստեղից դուրս եկածների մի զգալի մասը սիրահարված են սեփական մասնագիտությանը»:
Արփինե ՍԻՄՈՆՅԱՆ
