Առողջապահության նախարար Անահիտ Ավանեսյանն այսօր կառավարության նիստից հետո լրագրողների հետ ճեպազրույցում անդրադառնալով Լոռու մարզի աղետի գոտում հնարավոր համաճարակային իրավիճակին ասաց՝ ամեն օր ջրի հետազոտություն է իրականացվում, բակային այցեր են կատարվում ՝ հասկանալու, թե մաքրման աշխատանքների հետո ինչ ռիսկեր կան եւ ինչ պիտի արվի։
«Այս պահին վիճակը կառավարելի է, որեւէ բռնկում կամ շեղումներ չունենք, շարունակելու ենք կանխարգելիչ աշխատանքները, որպեսզի նույն պատկերը մնա»,-ասաց նախարարը։
Նա նաեւ նշեց, որ այցելել է Ալավերդու եւ Նոյեմբերյանի բուժկենտրոններ, թիմն աշխատում է միասնական․ «Կարծում եմ, որ այդ աշխատանքի շնորհիվ է, որ առողջական վիճակների հետ կապված խնդիրներ չկան»։
Նախարարն ասաց, որ համակարգը պատրաստ է, եթե լինեն ինֆեկցիաներ կամ այլ խնդիրներ․ «Արտառոց բան չի գրանցվել»։
Կարդացեք նաև
Նելլի ԲԱԲԱՅԱՆ
Լուսանկարում՝ Անահիտ Ավանեսյանը Լոռու մարզում: Լուսանկարը՝ ՀՀ առողջապահության նախարարության ՖԲ էջից
