ՀՀ իշխանությունները հերթական կեղտոտությունն են անում արցախցիների հանդեպ։ Հիմա էլ ձայնագրություն են տարածում, որն իբր ապացուցում է, թե արցախցիները գումարի դիմաց են մասնակցում Սրբազան պայքարի ցույցերին։
Այն, որ… Նիկոլն ու նրա թիմակիցները վաղուց են ամեն կերպ թիրախավորում արցախցիներին, մեզ համար նորություն չէ։ Նրանք զրկել են մեզ Հայրենիքից, մեր տուն ու օջախներից, Հայաստանի քաղաքացիությունից… հիմա էլ փորձում են պիտակավորել ու թիրախավորել։ Չի ստացվելու։
Բոլորին է հայտնի, թե հատկապես արցախցիներն ինչու են մասնակցում ցույցերին։ Մասնակցում ենք, որպեսզի Տավուշի, Գեղարքունիքի, Արարատի, Վայոց ձորի, Սյունիքի մարզերի մեր հայրենակիցները հանկարծ չտեսնեն այն, ինչ մենք ենք տեսել։ Մասնակցում ենք, որպեսզի Արցախ վերադառնալու հույսը չմարի։ Մասնակցում ենք, որպեսզի Հայրենիք ունենանք։
Մենք խստագույնս դատապարտում ենք արցախցիներին թիրախավորելու ու պիտակավորելու այս հերթական կեղտոտ փորձը։ Նաև վստահ ենք, որ ոչ ոք ու ոչ մի բան չի կարող արատավորել մեր բարի համբավը։ Դավաճանը պետք է հեռացվի և վերջ։
Կարդացեք նաև
ReArtsakh տելեգրամյան ալիք
