«Տավուշը հանուն հայրենիքի» շարժման անդամները Մարդու իրավունքների պաշտպանի գրասենյակի մոտ են։
ՄԻՊ Անահիտ Մանասյանը խոսնակի միջոցով փոխանցել էր, որ պատրաստ է ընդունել շարժման մասնակիցներին՝ Բագրատ սրբազանի գլխավորությամբ՝ մինչեւ 4 անձի։ Պայմանն այն է, որ լրատվամիջոցները չպետք է ներկա լինեն հանդիպմանը։ Շարժման առաջնորդները որոշեցին հրաժարվել այդ ձեւաչափով հանդիպումից։
Կարդացեք նաև
Բագրատ սրբազանը լրագրողների հետ ճեպազրույցում հարցադրում արեց՝ ինչո՞ւ է ՄԻՊ-ը խուսափում, որ լրագրողները ներկա լինեն հանդիպմանը, թաքցնելու բան կա՞։
«Ասում ենք՝ թող ուղիղ եթերով այն հարցադրումները, որոնք հիմա փողոցում ենք անում, ուղղենք ձեզ, պատասխանը տուր։ Ամենակարեւորը՝ գնահատական տվե՞լ եք, թե՞ չեք տվեք։ Պարզ հարց է, բայց այս մարդիկ չեն ուզում հարցերին պատասխանել, որովհետեւ ստի մեջ են։ ՄԻՊ-ը պետք է լինի անկախ մարմին՝ առաջին հերթին պաշտպանելու քաղաքացիների շահերը իշխանությունների հազար ու մի ոտնձգություններից։ Բայց լրիվ հակառակ վիճակն է»,- ասաց Բագրատ սրբազանը։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
