Ամենայն Հայոց Կաթողիկոսը մայիսի 27-ին դադարեցրեց Բագրատ Սրբազանի եկեղեցական և վարչական ծառայությունը: Փորձեցինք զուգահեռ անցկացնել Անդրանիկ սարկավագ Մանուկյանի հոգեւոր ծառայության դադարեցման հետ: Նրան տարիներ շարունակ դիմում ենք հոգեւոր կոչմամբ՝ անգամ դատական գործընթացների ժամանակ, խտացնելով հարգանքը հոգեւոր անցյալի նկատմամբ:
-Դուք սառեցվա՞ծ եք, կարգալույծ արվա՞ծ, որն է սխալը, երբ դիմում ենք Սարկավագով, Սրբազանով:
-Ինձ կարգալույծ չեն արել, աստիճանը որ տվել են, պահպանվել է: Եղան խնդիրներ, որոշեցի չգնալ եկեղեցի: Իմ արարքն այն չէր, որ կարգալույծ անեին:
-Ո՞րն էր իրական սառեցման պատճառը:
Կարդացեք նաև
-Նովա հյուրանոց էին կառուցում, ասացի` անարդար գործ եք անում, 500 քմ. զավթում եք բակից, բնակիչներին թշնամացնում, ու ասում`բարի գործ ենք անում: Իմ բարձրացրած հարցը հաճելի չէր որեւէ մեկին, ընդհուպ` Եկեղեցուն:
Եկեղեցին պիտի անհատ մարդու կյանքից, գործունեությունից անջատ մնա: Եկեղեցին խորհուրդ ունի. Հայր Աստված, Որդի Աստված եւ Սուրբ Հոգի: Հիմքն է, մենք իրավունք չունենք քանդել այդ հիմքը: Ով էլ գա, գնա այս մոլորակում, չի կարող տրորի եկեղեցու հիմքը:
Այլ բան է, երբ որպես անձ գայթակղվում են, հատկապես իշխանությունը: Դիմեցի Հայրապետին, Սերժ Սարգսյանին, հոգեւոր թեմի առաջնորդներին ընդհանուր նամակ գրեցի. ինչու ենք այդպես անում, եկեք հասկանանք, մեր տունն է, եկեք կառուցենք, շենացնենք, ոչ թե քանդենք: Տեսա հաճելի չէր ոչ մեկին, դիմում գրեցի, ազատվեցի:
Իմ հոգեւոր կոչումը մնում է: Իմ պարկեշտ ծառայությունը մնում է: Ես միշտ ասում եմ՝ Ձերը իշխանություն է, ձեզ եթե իշխանությունից հանեն, մի վայրկյան դուք չկաք, իմը Աստծո կողմից տրված շնորհ է, բարեշնորհ` բարի շնորհներով օժտված մարդ:
Ռուզան ՄԻՆԱՍՅԱՆ
Անդրանիկ Սարկավագի՝ վարչական դատարանում շարունակված դատաքննությունը կարդացեք «Առավոտ»-ի վաղվա համարում:
Լուսանկարը՝ Անդրանիկ սարկավագ Մանուկյանի ֆեյսբուքյան էջից
