«Խնդում ես, պարոն Խուդինյան, խնդալուդ ժամանակը կգա դեռ… Ասում եմ՝ ինչ-որ կա, ձեր մասին հետո»,-Երեւանի փոխոստիկանապետ գնդապետ Արթուր Խուդինյանին ասաց Բագրատ սրբազանը՝ քննչական կոմիտեի մոտ ցույցի ժամանակ ներկայացնելով ոստիկանական վայրագությունները:
Երբ փոխոստիկանապետն արձագանքեց՝ ձեր մասին էլ, Բագրատ սրբազանն ասաց. «Կանգնել եմ, դիմացդ, դե ասա»:
«Անձնական դիմացի մարդու հետ բան եմ խոսում, ինչի ես «տոչկել» ինձ վրա, մարդու հետ անձնական բան եմ խոսում, եքա մարդ ես…»,- նեղսրտեց Արթուր Խուդինյանը:
«Էդ լավ է, որ «եքա» մարդ եմ, «տոչկել»… Հա «տոչկել» եմ… դե հանդարտ մնացեք: Ես ձեր հետ խոսելու բան չունեմ, էդ դուք եք եկել ու չգիտեմ ինչու էստեղ կանգնել»,-ասաց սրբազանը:
Կարդացեք նաև
Նա նաեւ կոչ արեց հետ գնալ ժողովրդին, որպեսզի իրավիճակը չլարվի:
«Ժողովուրդ ջան, մենք մեր օրակարգից չենք շեղվելու, իրենց հետ գործ չունենք, ոստիկանության հետ մեր հարաբերությունները կեղծ օրակարգից են: Մարդիկ թաքնվում են պատուհանների ու դռների հետեւում ու մեզ երկուսիս իրար դեմ հանում… Մեկի սիրտը արյուն է ուզում, ուրիշ ոչ մի բան: Ես հասկանում եմ, թե ինչի են ոստիկանությանը բերել կանգնեցրել այստեղ: Սա մեծ թակարդ է… Նրանք ովքեր ուզում են, որ մենք հայտնվենք այս թակարդում, չենք հայտնվելու: Ասելու ենք այն, ինչ ճշմարտությունն է, կընդունեն՝ կընդունեն, չեն ընդունի՝ չեն ընդունի: Խնդիր չկա»,- Սրբազանը:
Գոհար ՀԱԿՈԲՅԱՆ
