Երեխաների պաշտպանության օրը «Օրրան» բարեգործական հասարակական կազմակերպությունը, գործընկերները, ճանաչված և սիրված հյուրերը ջանք չէին խնայել գույնզգույն փուչիկներով, անսպառ ու սիրված ուտեստներով և մեծ-մեծ տոնական տորթով երեխաների օրը հեքիաթի վերածելու համար։
Վաղ առավոտից «Արմենիա Մարիոթ» հյուրանոցի աշխատակիցները հոգացել էին բոլոր պատրաստությունները՝ ավանդույթ դարձած համեղ բուրգերները պատրաստելու համար։
Երեխաներին շնորհավորելու էր եկել Ծանրամարտի աշխարհի և Եվրոպայի առաջնության ոսկե մեդալակիր Նազիկ Ավդալյանը, ով էլ դարձավ օրվա շեֆ-խոհարարը։
Կարդացեք նաև
«Օրրան»-ի սաները երգեցին հյուրերի համար, պարեցին Նազիկի հետ և լուսանկարվեցին՝ կերտելով անմոռանալի հուշեր։
Այս տարին առանձնահատուկ էր, քանի որ «Օրրան»-ի երևանյան կենտրոնի սաների կողքին կային արցախցի բազում տեղահանված երեխաներ, ինչպես նաև երեխաներ, որոնց պատմությունները լուսաբանվել էին Արմենիա Հեռուստաընկերության «Սուր Անկյուն» հաղորդաշարի շրջանակում։
Հատուկ շնորհակալություն «Արմենիա Մարիոթ» հյուրանոցին, «Տաշիր Պիցցա» Պիցցերիաների ցանցին, «Կոկա-Կոլա Հելլենիկ Բոթլինգ Քամփնի Արմենիա» ՓԲԸ-ին և «Թամարա» ընկերությանը օրը համեղ ուտելիքներով, զովացուցիչ ըմպելիքներով և քաղցրահամ պաղպաղակներով գեղեցկացնելու համար։
«Օրրան» բարեգործական հասարակական կազմակերպություն
