ՀՀ մարդու իրավունքների պաշտպան Անահիտ Մանասյանի շնորհավորական ուղերձը Երեխաների պաշտպանության միջազգային օրվա առթիվ
«Սիրելի´ երեխաներ,
Շնորհավորում եմ երեխաների պաշտպանության միջազգային օրվա առթիվ:
Այս տոնը ևս մեկ առիթ է ընդգծելու երեխաների իրավունքների պաշտպանության կարևորությունը։ Որպես Մարդու իրավունքների պաշտպան՝ իմ առաջնահերթություններից է երեխաների իրավունքների պաշտպանությունը:
Կարդացեք նաև
Մեծ է պետության դերը՝ երեխաների իրավունքների ապահովման և պաշտպանության հարցում:
Երեխաների իրավունքների պաշտպանության տեսանկյունից առաջնային է կրթական բարենպաստ միջավայրի ստեղծման, այդ թվում՝ բուլինգի և անհանդուրժողականության դեմ պայքարի ուղղությամբ համապարփակ և արդյունավետ միջոցների ձեռնարկումը։
Հարգելի գործընկերներ, ցանկանում եմ ընդգծել նաև երեխաների համար մեր օրինակելի վարքագծի դերակատարությունը։ Պետք է մշտապես հիշենք, որ երեխաները մեզ հաճախ չեն լսում, բայց հիանալիորեն ընդօրինակում են։
Սիրելի երեխաներ, ևս մեկ անգամ շնորհավորում եմ ձեր տոնը: Թող որ մանկության ձեր աշխարհում անկեղծ ժպիտն ու սերն անպակաս լինեն»:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԱՇԽԱՏԱԿԱԶՄԻ ՀԱՆՐԱՅԻՆ ԿԱՊԵՐԻ ԲԱԺԻՆ
ՄԻՊ գործառույթները չկատարող և հիմնականում Ֆոտոսեսիաներով զբաղվող տիկին, Աստված չանի, որ երեխաները քեզ ընդօրինակեն, քանի որ այդ դեպքում նրանք կդառնան անդեմ, անսկզբունք և ստրկաբար կկատարեն օտարահպատակ իշխանությունների բոլոր անհեթեթ հանձնարարությունները: Տիկին, եթե ճաշակ ունենայիր, գոնե երեխաների պաշտպանության օրը այդ հինգ գեղեցիկ երեխաներին կլուսանկարեիր առանց քեզ՝ չխցկվելով նրանց մեջտեղը, քանի որ լուսանկարն այդ դեպքում անհամեմատ ավելի գեղեցիկ կստացվեր: