ԱԳՆ-ի մոտ այսօր տեղի ունեցած բողոքի ցույցի ժամանակ ձերբակալվել է 29 անձ, որոնցից 25-ը ոստիկանության կենտրոնի բաժնում են եղել, 4-ը՝ Շենգավիթի։ Այս մասին Սուրբ Աննա եկեղեցու մոտ հայտարարեց փաստաբան Սերգեյ Հարությունյանը։
«Ունենք 7 վիրավոր անձ, որոնք ոստիկանների բռնության հետեւանքով բավական ծանր վիրավորում են ստացել։ Ռուբեն Մելիքյանն ասաց, որ իրեն մոտեցել են երկու ոստիկան եւ ասել են, որ անձինք են եղել, որ իրենց սուր ծակող գործիքներով խփել են։ Այդ մարդիկ այս շարժման հետ կապ չունեն, մենք առաջին օրվանից ասել ենք՝ ով այդպիսի բան է անում, մեզ հետ չէ։ Եվ ի՞նչն է հետաքրքիր՝ մենք տեսանյութի մեջ տեսնում ենք, որ ինչ-որ առարկաներ, շշեր են նետվում դեպի ոստիկանները, եւ անմիջապես այդ րոպեին ոստիկաններն սկսում են գործողություններ անել։ Բայց ոչ թե գործողությունն արվում է այն մարդկանց նկատմամբ, ովքեր այդ րոպեին ինչ-որ բան են նետում, այլ գործողությունն արվում է անմիջապես սրբազանի մոտ կանգնած մարդկանց նկատմամբ։ Ակնհայտ է, որ սա կազմակերպված սադրանք էր»,- ասաց փաստաբանը։
Նա հավելեց․ «Այսօր կատարվածը հերթական խտրական արդարադատության դրսեւորումն էր։ Եթե մի քանի օր առաջ 40 կարմիր բերետավոր բիրտ ուժ կիրառելով ու խուլիգանաբար ծեծի էին ենթարկում պատգամավորին, եւ այդ դեպքում ոչ մի գործողություն չեղավ, ընդամենը կասեցված է մեկ ոստիկանի գործունեությունը, բայց այսօրվա պարագայում ստեղծվել է քննչական խումբ, արագացված կերպով աշխատում են»։
Կարդացեք նաև
Մանրամասները՝ տեսանյութում.
Ռոզա ՀՈՎՀԱՆՆԻՍՅԱՆ
