ՀԱՊԿ-ին Հայաստանի մասնակցության սառեցումը լրջորեն չի խաթարի կազմակերպության աշխատանքը, բայց կնշանակի Հարավային Կովկասում ՀԱՊԿ-ի դիրքերի թուլացում, այս մասին «ՀԱՊԿ. դաշնակիցներ»-ին տված հարցազրույցում ասել է Բելառուսի Հանրապետությունում Ռուսաստանի Դաշնության արտակարգ և լիազոր դեսպան Բորիս Գրիզլովը:
«ՀԱՊԿ-ում ստեղծված են գործուն մեխանիզմներ, որոնք թույլ են տալիս քննարկել և հանգուցալուծումներ գտնել ամենատարբեր հարցերի շուրջ, նույնիսկ եթե առաջին հայացքից դրանք դժվար լուծելի են թվում։ Գլխավոր հարցն այն է, թե այս պայմաններում ինչպես կկառուցվի Հայաստանի քաղաքականությունը։ Վաշինգտոնն ու Բրյուսելը ձգտում են տարածաշրջանի երկրներին ներքաշել աշխարհաքաղաքական արկածախնդրությունների մեջ։ Արդյոք դա Հայաստանին անվտանգություն կբերի` հռետորական հարց է», – նշել է Գրիզլովը։
