«Մոտեցեք, հասկանանք՝ ո՞նց ենք գնալու Քանաքեռ, ո՞ր ճանապարհն է Քանաքեռ տանում»,-Սուրբ Աննա եկեղեցու բակում քիչ առաջ հայտարարեց «Տավուշը հանուն հայրենիքի» շարժման առաջնորդ Բագրատ սրբազանը։
Սուրբ Աննա եկեղեցու բակում էին նաև 44-օրյա պատերազմի զոհված տղաների ծնողները, դիվանագետներ։
Բագրատ Սրբազանն ասաց, որ չի ասելու՝ ուր են գնալու․ «Ճամփից կորոշենք՝ Քանաքե՞ռ, թե՝ Հարավ Արևմտյան թաղամաս»։
Եկեղեցու բակում հավաքված քաղաքացիներից մեկն ասաց՝ գնանք Բաղրամյան, սրբազանը պատասխանեց․ «Բաղրամյանի ժամը կգա։ Չեմ ասելու»։
Կարդացեք նաև
Հետո էլ ծիծաղով հարցրեց՝ երեկվա հրեշտակին սիրե՞լ եք։ Հավաքված քաղաքացիները ծիծաղեցին։ Սրբազանն ասաց՝ հրեշտակին չեմ ասում, երևույթը։
Մեկը արձագանքեց՝ լիքը մարդ է միացել մեզ։ Բագրատ Սրբազանն էլ շարունակեց՝ հրեշտակ տեսնելու ցանկությամբ երևի ու ասաց․ «Լրիվ անակնկալ վիճակ էր։ Ես մտածեցի՝ քանի որ Կիրանց հրեշտակի թևով ենք գնացել, մտածեցի՝ մեզնից մեկն է, եկել էդ ակցիան է անում, թե տեսեք, հրեշտակի թևով ուրիշ տեղ էլ կարող ենք գնալ։ Բայց երբ դեմքը նայեցի, ասացի՝ մերոնց հետ կապ չունի։ Ուրիշ հրեշտակ էր»։
Առավոտյան աղոթքից հետո Բագրատ սրբազանն ասաց՝ Սայաթ Նովայով, Մաշտոցի պողոտայով գնում են Հարավ արևմտյան թաղամաս։
Տաթև ՀԱՐՈՒԹՅՈՒՆՅԱՆ
Լուսանկարը՝ Անժելա Պողոսյանի
