Ըստ Եվրոպա-միջերկրածովյան սեյսմոլոգիական կենտրոնի, Հայաստանում գրանցվել է 3․3 մագնիտուդով երկրաշարժ, 2․4 կմ խորության վրա։ Երկրաշարժը զգացվել է նաև Երևանում ու հարակից բնակավայրերում։
EMSC-ի տվյալներով՝ երկրաշարժը տեղի է ունեցել Գառնիի մոտակայքում` 3.6 մագնիտուդ ուժգնությամբ։
Տեղեկությունը հաստատել է նաեւ Հայաստանի Հիդրոօդրևութաբանության և մոնիթորինգի կենտրոնի տնօրեն Լևոն Ազիզյանը՝ մեջբերելով հետեւյալ տվյալները.
Երկրաշարժ Հայաստանում ժամը 23:27:20
Ուժգնությունը՝ 3,6 Ռիխտերի սանդղակով
Էպիկենտրոնը՝ 40,097 44,678
Օջախը՝ 8,4 կմ խորության վրա
Կարդացեք նաև
Ավելի ուշ ՆԳՆ-ն մանրամասն հաղորդագրություն տարածեց, որում, մասնավորապես, ասվում էր.
Մայիսի 30-ին, տեղական ժամանակով ժամը 23:27-ին (Գրինվիչի ժամանակով ժամը 19։27-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.07⁰ և արևելյան երկայնության 44.58⁰ աշխարհագրական կոորդինատներով Հայաստան՝ Երևան քաղաքից 14 կմ հարավ-արևելք, օջախի 10 կմ խորությամբ, 3․3 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 4-5 բալ:
Երկրաշարժը զգացվել է Երևան քաղաքում՝ 4 բալ, Կոտայքի մարզում՝ 3-4 բալ, Արարատի մարզում՝ 3 բալ ուժգնությամբ։
