Այսօր ԱԺ-ում 2023-ի բյուջեի կատարման հաշվետվությունը ներկայացնելիս` Մարդու իրավունքների պաշտպան Անահիտ Մանասյանը խոսեց իր աշխատակազմի շենքային պայմանները բարելավելու մասին:
Նա ասաց, որ նախորդ տարի պետբյուջեի միջոցներից գումար է հատկացված եղել, որ շենքի ներսում որոշ աշխատանքներ անեն, այդ թվում՝ հաշմանդամություն ունեցողների համար շենքը մատչելի դարձնեն, սակայն Քաղաքաշինության կոմիտեի նախագահը գրություն է տվել, որ ՄԻՊ-ին հատկացված Երեւանի Պուշկինի 56ա հասցեում գտնվող շենքը հանդիսանում է պատմամշակութային հուշարձան. «Խնդիր է առաջացել շենքի սեյսմազինվածության հետ կապված, առանց դրա անհնար է աշխատանքներ իրականացնել: Դրանք նախատեսված չէին»:
Պարզվում է՝ Մանասյանը կառավարությունից նոր շենք է ուզել, որ հատկացնեն ու գոհ է մնացել իշխանության դիրքորոշումից. «Կարծես թե հնարավոր կլինի լուծում գտնել նոր շենք գտնելու, դա ցույց է տալիս, չափանիշ է, թե պետությունը ինչպես է վերաբերվում մարդու իրավունքներին»,- ենթադրեց Մանասյանը:
Կարդացեք նաև
Հռիփսիմե ՋԵԲԵՋՅԱՆ
