«Իրականում ՄԻՊ-ի բյուջեն այնքան էլ մեծ չէ, որքան մյուս մարմիններինը»,- այսօր Մարդու իրավունքների պաշտպան Անահիտ Մանասյանը արձանագրեց 2023-ի բյուջեի կատարման հաշվետվությունը ԱԺ-ում ներկայացնելիս:
Նա հայտարարեց, որ իրենց պլանային ծրագրերը գերակատարել են. «Օրինակ, հանրային իրազեկման միջոցառումների իրականացումը 900 է նախատեսված եղել, իրականում դրանք հասել են շուրջ 3600-ի: Բավականին ակտիվ ենք աշխատել նույն ֆինանսավորման շրջակայքում»:
Նա ասաց, որ 1282 դրական գործ է եղել 2022-ին, իսկ 2023-ին՝ 1920:
Մանասյանը նեղվել է պատգամավորներից մեկի այն քննադատություններից, որ ՄԻՊ-ի աշխատակազմը լուրջ ֆինանսական միջոցներ է ստանում, մեծ աշխատավարձեր, պարգեւավճարներ ու արտասահմանյան գործուղումներ են իրականացնում բյուջեի հաշվին. «Մեր հաստատությունը քիչ ֆինանսավորվող հաստատություններից է: Մենք տնտեսումներ ենք արել, այդ թվում՝ արտասահմանյան գործուղումների հետ կապված հարցերից, նաեւ աշխատավարձի ֆոնդից: Ես անձամբ նախորդ տարի պետբյուջեի հաշվին 2 գործուղում եմ ունեցել, մնացած բոլոր գործուղումները խնդրել ենք ֆինանսավորել միջազգային կազմակերպությունների կողմից»:
Կարդացեք նաև
Հռիփսիմե ՋԵԲԵՋՅԱՆ
