Ազգային ժողովի մշտական հանձնաժողովների համատեղ նիստում ընթանում են «Հայաստանի Հանրապետության 2023 թվականի պետական բյուջեի կատարման մասին» տարեկան հաշվետվության նախնական քննարկումները։
Նիկոլ Փաշինյանն իր ելույթում անդրադարձավ բուհերի քաղաքականացմանը։
«Մենք չպետք է խորշենք նրանից, որ մեր պոզիտիվ քաղաքականությունները հետ պտտենք, եթե դրանք լայնորեն չարաշահվում են։ Բանավեճը կար, որ բուհերի հետ կապված հայտարարություն պետք է լինի, որ ընդհանրապես քաղաքական ներկայացուցիչներ չլինեն։ Այո, մենք այդ բարի կամքը դրսեւորել ենք, բայց հետո տեսանք, որ բուհերը վեր են ածվել ծայրահեղական խմբավորումների, ընդհատակյա ցանցերի համար նպաստավոր միջավայրի։ Հիմա էլ դեռ շատ խորը պրոբլեմներ կան այդ առումով։ Ոչ, մենք պետք է քաղաքական առաջնորդություն իրականացնենք։ Եվ ես ուզում եմ ասել, որ կառավարությունը ոչ մի ոլորտում քաղաքական առաջնորդությունից չի հրաժարվելու»,- հայտարարեց նա։
ՔՊ-ի այս որոշումը Փաշինյանն այսպես հիմնավորեց․ «Սա անընդհատ փոփոխվող աշխարհում անընդհատ փոփոխվող մարտահրավերներին պատշաճ արձագանքելու նպատակադրումն է»։
Կարդացեք նաև
Ռոզա ՀՈՎՀԱՆՆԻՍՅԱՆ
