Մենք ստանում ենք մեր պայքարի առաջին հստակ միջազգային արձագանքները:
Այսօր Եվրոպական խորհրդարանի 7 պատգամավորներ համատեղ հայտարարություն են տարածել, շեշտելով, որ «Բագրատ արքեպիսկոպոս Գալստանյանի գլխավորած բողոքի շարժումն արտացոլում է հայ հասարակության տարբեր շերտերին պատկանող քաղաքացիների գոյաբանական հարցերի վերաբերյալ մտահոգությունը»:
Միաժամանակ Եվրոպական խորհրդարանի գործընկերները կոչ են արել Հայաստանի կառավարությանը ՝ «զերծ մնալ անհամաչափ ուժի կիրառումից, ինչպես նաև ցանկացած այլ քայլից, որը կարող է խոչընդոտել ՀՀ քաղաքացիներին՝ իրացնելու իրենց սահմանադրական իրավունքները»։
Հայտարարություն է տարածել նաև Ընկերվար Երիտասարդների Միջազգային Միությունը (International Union of Socialist Youth – IUSY), որի անդամ է ՀՅԴ Երիտասարդականը:
Կարդացեք նաև
Հայտարարության մեջ միջազգային կազմակերպությունն իր խորը մտահոգությունն է արտահայտել՝ կապված Հայաստանի Հանրապետության և Ադրբեջանի միջև ընթացող սահմանազատման և սահմանագծման գործընթացի հետ` նշելով, որ «Ադրբեջանը ուժի սպառնալիքի պայմաններում է իրականացնում այս գործընթացը, որի հետևանքով խաթարվում է Հայաստանի հանրապետության ինքնիշխանությունը»:
IUSY-ն, դատապարտելով ոստիկանության կողմից անհամաչափ ուժի կիռարումը և բռնաճնշումները Հայաստանի կառավարության կողմից, կոչ է արել «հարգել Հայաստանի քաղաքացիների ազատ խոսքի և անհամաձայնության արտահայտման սահամանադրական իրավունքը»:
ՀՅԴ Հայաստանի Երիտասարդական Միություն
