Մայիսի 27-ին, ժամը 22.15-ի սահմաններում փլուզում է տեղի ունեցել Կապանի Դավիթբեկ թաղամասի բնակելի շենքերի արանքում։ Հարակից բլրակից քարաթափում է տեղի ունեցել։ Քարերը լցվել են շենքերի բակը, որտեղ կայանված էին ավտոմեքենաներ։ Նախնական տեղեկություններով մեկ ավտոմեքենա վնասվել է։ Քարաթափման հետեւանքով արմատախիլ են եղել նաեւ մատղաշ ծառեր։
«Դղրդոց լսեցինք, մտածեցինք՝ ամպրոպ է, բայց կրկնվեց երկու անգամ։ Ուժեղ ձայնից դուրս եկանք՝ նկատեցինք քարաթափումը դիմացի բլուրից»,-Aravot.am-ի հետ զրույցում նշեց բնակիչներից մեկը՝ Արթուրը։
Կարդացեք նաև
Դեպքի վայր են եկել փրկարարները, սահմանազատել տարածքը։
Մանրամասները՝ տեսանյութում։
Արմեն ԴԱՎԹՅԱՆ
