«Տավուշը հանուն հայրենիքի» շարժման հետ անգամ չնչին առնչություն ունեցող մարդիկ, գիտական, կրթական եւ այլ հաստատությունների ներկայացուցիչները հայտնվել են իշխանությունների թիրախում: Վերջին շաբաթներին ծավալված շարժման ֆոնին, օրինակ, Տնտեսագիտական համալսարանի երեք մուտքերից երկուսը փակել են, ու միայն մեկն է մեծ հերթերով սպասարկում 5-6 հազարանոց համալսարանի ելումուտը: Ինչպես ուսանողները, այնպես էլ դասախոսները, Aravot.am-ի տեղեկություններով հոգեբանական ճնշման տակ են հայտնվել:
Չնայած այս ամենին՝ բուհի դասախոսների եւ ուսանողների զգալի մասը, այնուամենայնիվ, այս կամ այն կերպ մասնակցություն ունի շարժմանը, ինչը չի վրիպում բուհի ռեկտորի ժամանակավոր պաշտոնակատար Արմեն Գրիգորյանի աչքից։
Մեր տեղեկություններով օրերս Բագրատ Սրբազանի հրավիրած տնտեսագետ-գիտնականների բաց հանրային քննարկմանը Տնտեսագիտական համալսարանի շուրջ 15 գիտնական-տնտեսագետների մասնակցությունից հետո Տնտեսագիտականում նրանց մի մասից սպառնալիքներ հնչեցնելով պահանջել են բացատրագրեր գրել եւ ֆորմալ պատճառաբանություններով փորձում են կարգապահական տույժերի են ենթարկել։
Քանի որ օրն աշխատանքային չէ, թեմայի վերաբերյալ Արմեն Գրիգորյանից կփորձենք մեկնաբանություն ստանալ առաջիկա օրերին:
Կարդացեք նաև
Գոհար ՀԱԿՈԲՅԱՆ
