ԱԺ ճեպազրույցների ժամանակ ՔՊ խմբակցության քարտուղար Արթուր Հովհաննիսյանն անդրադարձավ ՔՊ խմբակցության պատգամավոր Խաչատուր Սուքիասյանի երեկվա հայտարարությանը, որով նա սպառնաց ընդդիմությանը։
Սուքիասյանն ընդդիմադիրներին սպառնացել էր բանտարկությամբ ու սպանությամբ։ Հարցին, թե արդյոք սա ՔՊ-ի քաղաքական դիրքորոշումն է, Արթուր Հովհաննիսյանը պատասխանեց․ «Այո, պարոն Սուքիասյանը երեկ նման ելույթ ունեցել է, բայց նաեւ ես ձեր ուշադրությունն եմ հրավիրում այն հանգամանքի վրա, որ ոչ միանշանակ հասկացված այդ նախադասության վերաբերյալ պարոն Սուքիասյանը հետագայում պարզաբանում է տվել այլ լրատվամիջոցի եւ հստակ նշել է, որ ՀՀ իշխանությունները գնում են բացառապես ժողովրդավարական ճանապարհով։ Բանավոր ելույթում հնչեցրած պարոն Սուքիասյանի դիրքորոշումը չի արտահայտում ՔՊ կուսակցության ու խմբակցության դիրքորոշումը։ ՔՊ կուսակցությունը եւ խորհրդարանական խմբակցությունը առաջնորդվում է բացառապես ժողովրդավարական ճանապարհով։ Իսկ ինչ վերաբերում է այն հանգամանքին, որ խորհրդարանական ընդդիմության շարքերում կան երրորդ երկրի շահերը սպասարկող պատգամավորներ, դրա մասին բազմիցս ենք խոսել։ Իսկ թե ինչ տեղի կունենա նրանց հետ, ամեն բան տեղի է ունենալու ՀՀ իրավակարգի համաձայն, ոչ աջ, ոչ ձախ»։
Դիտարկմանը, որ խոսում են գործակալների մասին, բայց չկան իրավական գործընթացներ, Արթուր Հովհաննիսյանը պատասխանեց․ «Առհասարակ, երբ մենք ասում ենք՝ օտարերկրյա ազդեցության գործակալ, եկեք պարզաբանենք՝ ինչի՞ մասին ենք մենք խոսում։ Մարդիկ քաղաքական պատվեր են կատարում»
Կարդացեք նաև
Ռոզա ՀՈՎՀԱՆՆԻՍՅԱՆ
