ՀՀ վարչապետը փորձում է պատերազմում պարտության համար ամբողջ պատասխանատվությունը գցել Ռուսաստանի վրա. Gazeta.ru-ի հետ զրույցում մեկնաբանելով Փաշինյանի խոսքը ՀԱՊԿ անդամ երկու երկրների՝ «մեր դեմ պատերազմի նախապատրաստությանը» մասնակցելու վերաբերյալ՝ ասել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։
«Իմ դիրքորոշումը վաղուց հայտնի է. Փաշինյանը ստախոս է և սրիկա, որը փորձում է հայ ժողովրդի զայրույթն ուղղել դեպի Ռուսաստան՝ ձախողելով և կորցնելով այն ամենը, ինչի համար երկար տարիներ պայքարել են իր նախորդները և ողջ հայ ժողովուրդը», – ասել է Զատուլինը:
Պետդումայի անդամը պարզաբանել է, թե ՀԱՊԿ որ երկրները նկատի ուներ Փաշինյանը. «Կարելի է համարել Ռուսաստանը և Բելառուսը: Իմ կարծիքով՝ դրա համար պետք չէ ենթադրություններ անել»:
