«Որևէ մեկս չենք ճանաչում Հայաստանի Հանրապետությունը հատկապես ռեսուրսների առումով… Մենք մարդկային ռեսուրսի մասին զրո պատկերացում ունենք, այդպես է եղել բոլոր կառավարությունների ժամանակ։ Եթե չունենք այդ պատկերացումը, ի՞նչ ծրագրեր ենք իրականացնելու։ Ես նշեմ, որ գործարան են Հայաստանում ուզեցել բացել, սարքավորումներ, պահանջարկ գտել են, բայց որակյալ խառատներ չեն կարողացել գտնել։ Ես առաջարկում եմ սկսել պարզ բաներից, ամեն հանճարեղ բան պետք է պարզ լինի, ոչ թե խուճուճ եսիմ ինչերով մարդկանց վախեցնելու համար»,-այսօր «Տավուշը հանուն հայրենիքի» շարժման առաջնորդ Բագրատ Սրբազանի հետ հանդիպման ժամանակ ասաց տնտեսագիտության դոկտոր Թաթուլ Մանասերյանը:
Նրա խոսքով, Հայաստանը չունի տեսլական, անվտանգության դոկտրին, չգիտենք՝ ուր է գլորվում տնտեսությունը։
«Իսկ դա սպառնալիք է, չգիտենք՝ անվտանգային սպառնալիքների, ժողովրդագրական սպառնալիքների մասին… Եթե ունենանք տեսլական, ապա կկրթենք էն մասնագետները, որոնք պետք են, ոչ թե որոնք, պրեստիժ են։ Շատ կոնկրետ մասնագիտություններ կկրթենք, և մեզ հաղթող չի լինի․.. ուղեղների արտահոսք է Հայաստանից: Հայաստանն արյունաքամ է լինում»,-ասաց Մանասերյանը:
Նա նաեւ անդրադարձավ բարեփոխումներին ու նկատեց, որ եթե դրանք ուղղված չեն մարդուն, պետք է դադարեցվեն. «Ուրիշների՞ն ենք տպավորելու, արտաքին աշխարհի՞ն…ներկայիս իշխանություններն ասում են հարկատուն հերոսն է, ո՛չ, արարողն է հերոսը, ոչ միայն տնտեսության բարձրացնողը, ոգեւորությունը բերելու մեր մեջ. այն, ինչպես ընկալում եմ այսօրվա սրբազան պայքարն ու զինվորագրվում եմ»:
Կարդացեք նաև
Արփինե ՍԻՄՈՆՅԱՆ
