Արդեն տեղեկացրել ենք, որ «Տավուշը հանուն հայրենիքի» շարժման առաջնորդ Բագրատ սրբազանին, ԱԺ պատգամավորներին ու քաղաքացիներին թույլ չեն տալիս մուտք գործել Կիրանց։ Գյուղի մուտքի մոտ մի քանի շարքով ոստիկանական պատեր են՝ հակագազերով եւ գազաբալոններով զինված ոստիկաններով։ Այսօր հայտնի է դարձել, որ Կիրանց գյուղի մեջտեղում սահմանային հենասյուներ են տեղադրվում։ Այս հիմքով էլ Կիրանց գյուղ տանող ճանապարհը փակվել է։
ԱԺ պատգամավոր Արման Ղազարյանը դիմեց ոստիկաններին․ «Ձեր գործողություններն իրավաչափ չեն։ Ոստիկանության մասին օրենքով դուք պարտավոր եք ապահովել անձանց ազատ տեղաշարժը այն տարածքներ, որոնք ԱԱԾ հայտարարության համաձայն՝ սահմանազատված չեն։ Խնդրում եմ, ապահովեք օրենքով նախատեսված ձեր լիազորությունները։ Օրենքով ենք խոսում, օրենքից դուրս բան չխոսեք»,- ասաց պատգամավորը։
Ոստիկանության գնդապետը կոչ արեց լարվածություն չստեղծել։ «Եթե իմ ազատ տեղաշարժը չապահովես, լարվածությունը կստեղծվի։ Օրենքը ինչո՞ւ եք շրջանցում, դու ժողովրդավար ու արժանապատիվ գնդապետ ես, ապագա ունեցող երկրի էլ ծառայում ես»,- ասաց Արման Ղազարյանը։
Պետական պահպանության գլխավոր վարչության պետ Այվազյանն էլ ասաց, որ Ոստիկանության մասին օրենքով իրենք կարող են ժամանակավոր սահմանափակել երթեւեկությունն ու մարդկանց տեղաշարժը։
Կարդացեք նաև
Վիճաբանություն տեղի ունեցավ պատգամավորի ու ոստիկանների միջեւ։
Ավելի մանրամասն՝ տեսանյութում
Ռոզա ՀՈՎՀԱՆՆԻՍՅԱՆ
