«Ամերիկայի ձայն». Իրանի սահմանադրությամբ, եթե նախագահը մահանում է կամ անգործունակ է դառնում, այդ պաշտոնը ժամանակավորապես կատարում է առաջին փոխնախագահը, իսկ 50 օրվա ընթացքում կայանում են նոր նախագահական ընտրություններ։ Ներկայումս փոխնախագահի պաշտոնին է Մոհամմադ Մոխբերը: Իրանի նախագահը ենթարկվում է Իրանի գերագույն առաջնորդ այաթոլլա Ալի Խամենեիին, ով պահպանում է լիակատար իշխանություն երկրի գործերի նկատմամբ:
Ռայիսին ծայրահեղ պահպանողական Խամենեիի հովանավորյալն է, ով որոշ դիտորդների կողմից դիտարկվել է որպես գերագույն առաջնորդի նախընտրելի իրավահաջորդ: Նա նախագահի պաշտոնում է ընտրվել 2021 թվականի ընտրությունների արդյունքում, որի ժամանակ նրա հիմնական մրցակիցներին արգելվել է առաջադրվել, իսկ ընտրություններում արձանագրվել է մասնակցության ռեկորդային ցածր ցուցանիշ:
Սոցցանցերում հրապարակված և «Ամերիկայի Ձայն»-ի իրանական ծառայության կողմից արժանահավատ համարվող նյութերը ցուցադրում են, թե ինչպես են Իրանի ավտորիտար իսլամիստ կառավարության հակառակորդները կիրակի ուշ երեկոյան հրավառություն կազմակերպում բազմաթիվ վայրերում՝ նշելով Ռայիսիի վախճանը:
«Ամերիկայի Ձայն»-ը չի կարող ինքնուրույն ճշտել հրավառության հանգամանքների իսկությունը՝ կապված Իրանի ներսից տեղեկության հաղորդման սահմանափակումների հետ:
Կարդացեք նաև
Պետական IRNA լրատվական գործակալությունը մեջբերում է այաթոլլա Խամենեիի խոսքերը. «Իրանի ժողովուրդը չպետք է անհանգստանա: Երկրի գործունեության խափանում չի լինի»։
IRNA-ն նաև լուսանկար է հրապարակել, որում երևում է, որ փոխնախագահ Մոխբերը վարում է կառավարության արտակարգ նիստը՝ վթարի հետ կապված հարցերը քննարկելու համար:
Կիրակի օրը «Ամերիկայի Ձայն»-ի պարսկական ծառայությունը տված հարցազրույցում Գերմանիայում բնակվող անկախ իրանցի լրագրող և հետազոտող Ռեզա Թալեբին ասել է, որ եթե Ռայիսին մահանա, Իրանի իսլամիստ կառավարիչները կարող են նրան նահատակ հռչակել, ով մահացել է իրենց գլխավոր արտաքին թշնամիների՝ Իսրայելի և ԱՄՆ-ի խարդախ խաղերի արդյունքում։ Նման պնդման որևէ ապացույց չկա:
Նյութի հեղինակն է Մայքլ Լիպինը: «Ամերիկայի Ձայն»-ի պարսկական ծառայության լրագրողներ Փայամ Յազդյանը, Ֆարհադ Փուլավին և Մասուդ Ֆարահմանդը, ինչպես նաև «Ամերիկայի Ձայն»-ի ադրբեջանական ծառայության ղեկավար Ասգար Ասգարովը նպաստել են նյութի հրապարակմանը:
Հոդվածն ամբողջությամբ՝ սկզբնաղբյուր կայքում
