«Միանշանակ բողոքարկելու ենք Վերաքննիչ դատարան, որովհետեւ հիմնավոր կասկած իսպառ գոյություն չուներ»,-Aravot.am-ի հետ զրույցում ասաց ԿԱՄՔ հասարակական-քաղաքական նախաձեռնության ղեկավարներից Վահագն Չախալյանի պաշտպան Վահան Հովհաննիսյանը՝ մեկնաբանելով դատարանի կայացրած որոշումը:
Հիշեցնենք, այսօր Երեւանի ընդհանուր իրավասության դատարանի որոշմամբ, Վահագն Չախալյանին նկատմամբ խափանման միջոց ընտրվեց տնային կալանքը: Նրան խուլիգանության մեղադրանք է առաջադրվել՝ մայիսի 16-ին, կառավարության շենքի մոտ տեղի ունեցած ցույցի ժամանակ, ցույցի պահանջների հետ անհամաձայնություն արտահայտած քաղաքացիների հետ իբրեւ վիճաբանություն սարքելու համար: Վահագն Չախալյանը եւ ևս չորս անձ ձերբակալվել էին:
Դատարանի որոշումը դեռ կողմին չի տրամադրվել, ուստի պաշտպանը ձեռնպահ է մնում այլ մեկնաբանություններ անել, քանի որ ծանոթ չէ, թե դատարանն ինչ հիմնավորումներ է ներկայացրել:
Նելլի ԳՐԻԳՈՐՅԱՆ
