«Բոլորը համաձայն են, որ չարիքը պետք է կասեցնել, իսկ դրա համար լավագույն դերակատարը հավատքն ու Հայ առաքելական սուրբ եկեղեցին են»,-լրագրողների հետ զրույցում ընդգծեց ԱԺ «Պատիվ ունեմ» խմբակցության ղեկավար, ՀՀԿ-ական Հայկ Մամիջանյանը, որը մասնակցում էր Բագրատ Սրբազանի եւ կուսակցությունների ներկայացուցիչների հետ հանդիպմանը:
Հայկ Մամիջանյանն ասաց, որ սովորություն չունի փակ հանդիպումների մանրամասները հանրայնացնելու, բայց նշեց, որ հավաքված կուսակցություններն ու հասարակական կազմակերպությունները, նրա ձեւակերպմամբ, շատ ավելի փոքր մարմին են, երեւույթ են, քան այն համաժողովրդական աջակցությունը, որը վայելում է Սրբազան շարժումը:
«ԱԺ «Պատիվ ունեմ» խմբակցությունը, Հանրապետական կուսակցությունն առաջին իսկ օրերից հայտարարել են, որ այս սրբազան շարժման կողմից առաջադրված, ժողովրդի կողմից իրապես առաջադրված թեկնածուի ընթացքի համար Հանրապետականը եւ «Պատիվ ունեմ»-ը կանեն ամեն ինչ՝ սկսած փողոցային պայքարից, ինչպես անում են, վերջացրած ԱԺ-ում ընթացակարգային խնդիրների լուծմամբ, ինչպես կանի»,-ընդգծեց նա:
Կարդացեք նաև
Անդրադառնալով Դավիթ Խաժակյանի՝ նախկինների վերադարձի վերաբերյալ դիտարկման մասին հարցին՝ Մամիջանյանն այսպես արձագանքեց. «Իսկ Փաշինյանի անհատական օգտագործման նախկինները, որոնք թե Փաշինյանի նախկին կինն են եղել, սիրուհին են եղել, խոսելու իրավունք ունե՞ն…»:
Գոհար ՀԱԿՈԲՅԱՆ
Նշված երկու խմբակցությունները իրենց 2 տերերով ՀՀ-ից վտարելու դեպքում օդը հանրապետությունում շատ բարձր տոկոսով կմաքրվի…