«Մայիսի 9-ի մեծ հանրահավաքից հետո Սրբազանը քննարկումներ էր անցկացրել տարբեր քաղաքական ուժերի հետ: Այս հանդիպումն ընդգրկում էր ոչ միայն այն ուժերին, որոնք հանդիպել էին Սրբազանի հետ, այլեւ բաց հրավեր է եղել: Այն ներկայացնում է մայիսի 9-ի հայտարարված խնդրի, այսինքն՝ իմպիչմենտի, դրա շարունակականության վերաբերյալ քննարկում:
Որպես այդպիսին՝ ճանապարհային քարտեզ չի հրապարակվել, բայց ընդհանուր գծերը, կարծում եմ, բոլորիդ հայտնի են»,- լրագրողների հետ զրույցում ասաց «Լուսավոր Հայաստան» կուսակցության փոխնախագահ Դավիթ Խաժակյանը՝ պատասխանելով այն հարցին՝ արդյոք կա՞ Փաշինյանին հեռացնելու հստակ ճանապարհային քարտեզ: Նշենք, որ Դավիթ Խաժակյանը եւս մասնակցում էր Բագրատ Սրբազանի եւ կուսակցությունների ներկայացուցիչների հետ հանդիպմանը:
«Այս հավաքին միանալով՝ կիսել ենք շարժման առաջադրած խնդիրները, որոնք ոչ միայն չեն վերացել, այլեւ ավելի են խորացել…Առանց քարտեզ հրապարակելու տեքստային մակարդակում իշխանություններն ասում են, թե ինչ համաձայնության են եկել, ինչն էլ ավելի խորացրեց մեր մտահոգությունները միակողմանիության, սահմանազատման գործընթացի անարդարացիության մասով:
Հաշվի առնելով, որ այս ցանկը չի սպառվում, իշխանությունների նման ընթացքը պետք է կասեցնել: Եվ բնականաբար, բոլոր այն ուժերը, որոնք կիսում են այդ մտահոգությունը՝ համատեղ անելիք ունեն»,- ասաց «Լուսավոր Հայաստան» կուսակցության փոխնախագահը:
Կարդացեք նաև
Գոհար ՀԱԿՈԲՅԱՆ
