«Այս դահլիճը երկու հարցում, որքան էլ հանդիպումը փակ լինի, համախոհություն ունի. մեկը Նիկոլ Փաշինյանի հեռացումն է բոլոր հնարավոր քաղաքական տարբերակներով, մյուս կոնսենսուսն այն է, որ այս համախմբի միացյալ թեկնածուն պետք է լինի Բագրատ Սրբազանը: Ճիշտ է, դեռեւս այդպիսի որոշում չի կայացվել, բայց վստահ եմ, որ այս երկու հարցում կա համախոհություն»,-լրագրողների հետ զրույցում ընդգծեց «Դեմոկրատական այլընտրանք» կուսակցության նախագահ, քաղաքագետ Սուրեն Սուրենյանցը, որ մասնակցում էր Բագրատ Սրբազանի եւ կուսակցությունների ներկայացուցիչների հետ հանդիպմանը ու ներկայացրել էր իրենց կուսակցության տեսակետն ու մոտեցումները:
Սուրեն Սուրենյանցի խոսքով. «Երկրորդ հարցի ճանապարհին Սահմանադրական որոշակի արգելքներ կան, բայց լուծելի հարց է՝ խորհրդարանի միջոցով, իհարկե, հանրային ճնշման ճանապարհով, որովհետեւ իրենք դա չեն անի»: Նա հավելեց, որ միայն այս հավաքով հնարավոր չէ բոլոր հարցերին պատասխան տալ, բայց իր տպավորությամբ երկու հարցի վերաբերյալ բոլորն ունեն պատկերացում մի Հայաստանի մասին, որտեղ, նրա ձեւակերպմամբ, չպետք է լինի Նիկոլ Փաշինյան անունով ղեկավար, եւ պետք է լինի անցումային ղեկավար Բագրատ Սրբազանի դեպքով:
Քաղաքագետը հավելեց, որ այդ ամենին կարելի է հասնել փողոցով՝ երկու-երեք օրով կաթվածահար Երեւանով, որը պետք է հրաժարական պարտադրի Փաշինյանին:
Կարդացեք նաև
Գոհար ՀԱԿՈԲՅԱՆ
