«Տավուշը հանուն հայրենիքի» շարժման առաջնորդ Բագրատ սրբազանը Երեւանի պետական համալսարանում բաց դասախոսություն կարդաց ուսանողների համար։ Նա ասաց, որ դասախոսության թեման է՝ «ինչպես չլինել չմարդ»։
Նա անդրադարձավ հարցին, որ հասարակության մեջ անտարբերության մասին խոսույթն են ներարկում իշխանությունները։ «Անընդհատ մեզ ներարկում են, որ այս հասարակությունն անտարբեր է, մեր խոսակցության թեման է դարձել դա, եւ դա դարձել է մեր՝ որեւէ գործողություն չանելու արդարացված պատճառը՝ ասելով՝ դե այս հասարակությունն անտարբեր է, ոչ մի բան չի լինի, ես գնամ։ Բայց դու էլ չես հավատում, որ այդպես է, դուք ինքդ քեզ ուզում ես հավատացնել, որ այդպես է։ Այստեղ ինչքա՞ն մարդ կա, բոլորդ անտարբե՞ր եք, այստեղ անտարբեր մարդ կա՞։ Բա ինչո՞ւ մենք չենք խոսում այսքան չանտարբերների մասին, բայց անորոշ անտարբերների մասին անընդհատ խոսում ենք։ Սա թունավորում ու սպառում է մեզ, իրավունք չի տալիս լայն մտածել։ Կամ էլ դիտմամբ ենք անում, որպեսզի այդ հարմարավետ ինքնաարդարացման միջավայրում ինքներս մեզ տեղավորենք»,- ասաց Բագրատ սրբազանը։
Նա նշեց, որ մեզ նաեւ ներարկել են անելանելիության, անզորության զգացողություն։ «Հետեւաբար, մենք չանտարբերների մասին պետք է մտածենք եւ հավաքենք, մեծանանք, եւ անտարբերներն էլ մաս կկազմեն, երբ որ տեսնեն մեր վարքագիծը»,- հավելեց նա։
Ուսանողները նաեւ հարցեր են ուղղում Բագրատ սրբազանին։
Կարդացեք նաև
Ռոզա ՀՈՎՀԱՆՆԻՍՅԱՆ
