Այսօր սուրբ Աննա եկեղեցու բակում Բագրատ սրբազանն ամփոփեց «Տավուշը հանուն հայրենիքի շարժման» այսօրվա պայքարի օրը:
Մինչ այդ նա լրագրողների հետ զրույցում ասաց, որ եթե այս ընդվզումը չլիներ, իշխանությունները տարածքների հանձնման գործընթացը կարող է մինչեւ Սյունիք էլ հասցրած լինեին: Նա նշեց, որ մասնագիտական խմբեր են ձեւավորվել իր շուրջը՝ դասախոսական, ռազմական գործիչների, դիվանագետների. «Էս մարդիկ այլեւս չեն հասկանում ում բռնեն, ում չբռնեն: Անչափահաս մեր քաջ տղուն բռնել են, արգելել են մասնակցել ցույցերի, ասել են՝ մանկատուն կտանենք, ուսուցիչների են գործից ազատել: Լավ, չեն վախենում, բայց այդ մարդկանց ինչո՞ւ են հալածում: Հալածանքը արդեն վախի նշան է, չէ՞»:
Խոսելով Խաղաղության պայմանագրի մասին՝ Բագրատ սրբազանն ասաց, որ բովանդակությունն է կարեւոր. «Միգուցե խաղաղության պայմանագիրը լինի Երեւանի շուրջը՝ ասելով՝ բացի Երեւանի այսինչ թաղամասից, բոլորը հանձնում ենք, որ խաղաղություն լինի, Սեւանա լճի այս ափով: Հետեւաբար, բովանդակությունն է կարեւոր»:
Կարդացեք նաև
Բագրատ սրբազանն ասաց, որ իշխանությունները խավարի մթի մեջ անում են սահմանազատում. «Հուդան ե՞րբ մատնություն արեց…Սրա պատասխանը պետք է տան, չեն կարող չտան»:
Հռիփսիմե ՋԵԲԵՋՅԱՆ
