«Հայաստանի կողմից ֆինանսավորման կասեցում ՀԱՊԿ-ի համար ողբերգություն չէ, Երևանը դուրս չի գալիս կազմակերպությունից»,- ինչպես հայտնում է News.ru-ն, «Ռուսաստան – Իսլամական աշխարհ. KazanForum» միջազգային տնտեսական ֆորումի նիստից հետո ասել է ՌԴ փոխարտգործնախարար Ալեքսանդր Պանկինը: Նա նշել է, որ կազմակերպությունը շարունակում է իր կյանքը։
«ՀԱՊԿ-ի գոյության ընթացքում եղել են իրավիճակներ, երբ երկրները մի քիչ ուշացրել են իրենց մուծումները, մաս-մաս են վճարել։ Իսկ ռազմաքաղաքական տեսանկյունից ՀԱՊԿ-ի նկատմամբ Հայաստանի հետագա դիրքորոշումը որոշվելու է ելնելով նրա ազգային շահերից, որոնք նա պետք է լավ ներկայացնի ու հասկանա, ինչպես նաև երկրի անվտանգության ապահովման հնարավորություններից»:
«Հայաստանը ՀԱՊԿ-ում հուսալի դաշնակիցներ ունի, Մոսկվայում հույս ունեն, որ Երևանը կվերականգնվի շարքում»,- հավելել է Պանկինը:
